SESANTI

Dening Zamroni Allief Billah 4. SESANTI sun lilakke sliramu milang dalan ing dedawaning kisik Lasem, Tuban, Gresik seba ing giligin...

Dening Zamroni Allief Billah

4. SESANTI

sun lilakke sliramu milang dalan
ing dedawaning kisik Lasem, Tuban, Gresik
seba ing giliging tekad ngrengkuh

ilir ilir tandure wis sumilir takijo royo royo
taksengguh temanten anyar
kae jaganen iline kali tumuju segara
tanduranmu wis cukul ijo endah ing rasa
enggal disadatke sang temanten kareben
lumaku kanthi endahing pekerti

anyar temantene ngayahi bebrayan agung
mecaki dawane dalan panguripan
ora mung nlesik kisik
wancine bebisik

cah angon penekna blimbing kuwi
lima lingir sawiji blimbing kudu dipenek
senajan lunyu ngrengkuh wohing wit sawiji

Daklilakke krana mung sliramu sing bisa anjaga
iline banyu bening iki tetep wening
ora ninggal lanjarane kacang ing galengan sawah
krana kukus dupa bakal tetep tumancep
ing pucuking Argasoka pathoking ati sayekti

Daklilakke...

Rembang, 15 April 2015